Është pushuar hetimi për 3 gjyqtarët që pranuan gjykim të shkurtuar për dosjen e Dritan Dajtit. SPAK pushoi çështjen, pasi sipas tyre nuk ka prova për akuzat e ngritura ndaj tyre. Ndaj tyre më herët u bë procedim penal për akuzën “Korrupsion Pasiv”.
Gjyqtarët Petrit Aliaj, Aleks Nikolli dhe S. Damini ndryshuan vendimin e Shkallës së Parë, që e dënoi me burgim të përjetshëm Dritan Dajtin. Ata e konvertuan dënimin përfundimtar me 25 vite në total.
Dajti akuzohej për vrasjen e 4 punonjësve të policisë në vitin 2009, ndërsa u deshën 10 vite që dënimi të merrte formë të prerë.
Pranimi i gjykimit të shkurtuar me shumicë vote nga ana e pesëshes së Apelit të Krimeve të Rënda, u diskutua gjatë në opinionin publik.
