Një ngjarje e rëndë ka ndodhur ditën e sotme në qytetin e Korçës. Një makinë ka marrë flakë në ecje e sipër, duke rrezikuar jetën e një familjeje që udhëtonte në të, çiftit dhe fëmijës 7 vjeçar.
Sipas informacioneve paraprake ngjarja ka ndodhur në afërsi të Pazarit të Vjetër në qytetin e Korçës. Ende nuk dihen arsyet, por dyshohet se shkak për flakët mund jetë bërë një shkëndijë elektrike.
Drejtuesi i automjetit është shprehur se nuk kanë arritur ta kuptojnë që makina po merrte në flakë. Megjithatë, ata kanë arritur të dalin në kohë, duke shmangur një tragjedi të mundshme. Policia dhe zjarrfikësja ndodhen në vendin e ngjarjes.
