Një shtetas serb është arrestuar nga policia në Kosovë, për shkak të një incidenti të ndodhur ditën e djeshme. Sipas njoftimit zyrtar të policisë, serbi ka tentuar t’i prishë gëzimin një autokolone dasmorësh, duke u marrë me dhunë flamurin shqiptar.
Kolona e makinave të dasmorëve ka qenë duke festuar, ndërkohë që serbi duket se nuk e ka kapërdirë lehtë të shohë flamurin shqiptar të valëvitet në autokolonën e dasmorëve dhe ka tentuar ta marrë. Ngjarja është pasur me sherr, çka ka bërë që policia të ndërhyjë në kohë dhe të arrestojë serbin. Rasti ka ndodhur në Graçanicë.
“Graqanicë, 27.12.2019-13:30. Është arrestuar i dyshuari mashkull K-Serb pasi që i njëjti ka tentuar tu merr flamurin një kolone dasmorësh. Pas intervistimit me vendim te prokurorit i dyshuari është dërguar ne mbajtje”, thuhet në njoftimin zyrtar.
