Para se të merrte famë si aktor dhe të grumbullonte të ardhurat, aktorit Olsi Bylyku i është dashur që të bëjë shumë punë të vështira. Për të nuk ka pas qenë aspak e lehtë, e madje i është dashur që të bëjë punë të ndryshme. Një ndër to ishte dhe një punë sezonale. Ai ka sjellë në kujtesë një punë që ka bërë gjatë verës, ku i është dashur të punojë 12 orë pa pushim.
I ftuar në emisionin “Glamour Zone”, në RTV Ora, Olsi rrëfeu se puna më e vështirë ishte ajo me çadrat në plazh. Kishte rreth 300 çadra dhe ai duhet t’i mbulonte të gjitha vetë.
“Nuk ka njeri që mos e dijë atë punë që kam bërë tek çadrat. Çdo verë e zgjidhja një punë më të vështirë se ajo që kam pasur verën e shkuar. Por më e vështira që edhe kam vuajtur ka qenë ajo tek çadrat 3 muajt e verës.
Ka qenë pa pushim 12 orë. Plus të bësh porosi në pllaka, nuk është njësoj si të bësh njësoj në rërë se ishin 300 çadra 12 orë.
Pjesa dërmuese e familjeve deri në një pikë mund të mbulojnë shpenzimet normale, pastaj mbi detyrimet normale ti duhet të bësh një punë që të mbulosh këto shpenzime. Ne kishim qejf me pi kafe, por lekë nuk kishim dhe do shkosh të punosh si të gjithë njerëzit”.
