Në seancën e sotme në Kuvend pritet që të miratohet paketa e njohur si paketa “anti-shpifje”. Kjo paketë është shoqëruar me kundërshtime të forta nga gazetarët dhe mediat, të cilët sot kanë organizuar edhe një protestë përpara Kuvendit në orën 9:30.
Paketa ligjore kundërshtohet tërësisht nga mediat dhe gazetarët, të cilët kërkojnë që mediat elektronike të aplikojnë parimin e vetërregullimit.
Paketa “anti-shpifje” është kundërshtuar edhe nga Partia Demokratike. Këta të fundit kanë organizuar edhe tryeza me ekspertë për këtë çështje, ndërsa veprimin e qeverisë e kanë cilësuar si një akt kundër fjalës së lirë.
Kryeminstri Rama nga ana tjetër ka theksuar se kjo paketë është përpiluar me ndihmën e OSBE, por edhe nga ekspertë nga Vjena e Austrisë
Ndërkohë, kreu i Grupit Parlamentar të Partisë Socialiste, Taulant Balla ftoi dje deputetët që mbështesin miratimin e kësaj paketë.
