Kryedemokrati Lulzim Basha ka shkuar ditën e sotme në zonën e “Astirit”, për të takuar banorët e prekur nga tërmeti.
Kreu i PD-së u shpreh se banorët e kësaj zone përveç tërmetit si dukuri natyrore, janë përballuar po ashtu edhe me “tërmetin shtetëror”.
Gjatë bisedave me qytetarët, një e moshuar përcolli një thirrje për të gjithë të rinjtë, të cilëve iu kërkoi që të mos largohen nga vendi, por të punojnë në ndërtimin e Shqipërisë.
Pjesë nga biseda:
Basha: Këta janë njerëz që kanë vuajtur nga një tjetër tërmet nga tërmeti i shtetit, por megjithatë kanë hapur zemrat e tyre.
E moshuara: Unë jam një moshë e vjetër dhe e kam shumë të vështirë të largohem nga vendi im. Kemi ndërtuar Shqipërinë. Kemi punuar nëpër ara. Ky brez që vjen, duhet të ndërtojë Shqipërinë dhe të mos largohet nga Shqipëria. Edhe sikur të vdes nuk jam pishman.
Basha: Do jetosh dhe ne do dalim nga kjo situatë. Të rrosh e të kesh shëndet dhe ta kalojmë bashkë si një familje e madhe. Ju keni qenë në terror për një vit.
