Gjykata e Durrësit ka vendosur masën e dënimit për studenten Xhuljana Aliaj, e cila u arrestua pak ditë për përhapje paniku në rrjetet sociale.
Mësohet se ndaj Xhuljanës është vendosur masa “detyrim paraqitje” dy herë në muaj.
Studentja u arrestua mëngjesin e datës 29 nëntor, pasi kishte postuar në Facebook një status ku kërkonte nga shteti që të vlerësojë gjendjen e depozitave me naftë dhe gaz.
“I lutemi shtetit dhe autoriteteve të portit të naftës në Porto-Romano të vlerësojnë gjendjen e depozitave me naftë dhe gaz. Kemi shumë frikë! Presim përgjigje!”, ka shkruar Aliaj.
Thirrja e Xhuljanës erdhi pas një shkrimi që kishte bërë organi i Selisë së Shenjtë, Vatikan, ku ngrihej alarmi për çarjen e depozitave të gazit në Porto Romano.
