Aktualitet

Meta mbledh ekspertët e tërmeteve. Njofton konferencën e parë mbarëkombëtare


               Publikuar në : 13:24 - 02/12/19 M P

Pasi ka mbledhur Këshillin e Sigurisë Kombëtare, presidenti Ilir Meta ka zhvilluar një tjetër takim. Këtë herë me përfaqësues të universiteteve, akademikë dhe ekspertë, lidhur me situatën e krijuar nga tërmeti.

Në thelb të takimit, kanë qenë masat dhe propozimet nga akademikët për mënyrën sesi duhet tejkaluar kjo situatë.

Pas takimit, presidenti Meta ka bërë edhe një postim në facebook, ku ka njoftuar se së shpejti do të mbahet edhe një konferencë ndërkombëtare me përfaqësues nga rajoni dhe më gjerë. Ky takim shumëpalësh do të shërbejë për të forcuar bashkëveprimin në përballimin e fatkeqësive natyrore.

Dalin shifrat, ja sa herë është lëkundur toka pas tërmetit të 26 nëntorit

“Sot zhvillova një takim të frytshëm me një përfaqësi të nderuar profesorësh, akademikësh dhe ekspertësh të instituteve të rëndësishme universitare, lidhur me situatën tepër të rëndë të krijuar nga tërmeti.

I falenderova për kontributin e tyre të vyer në kapërcimin e emergjencës dhe i inkurajova, jo vetëm të forcojnë bashkëpunimin me institucionet, por edhe të angazhohen maksimalisht për të informuar dhe qetësuar opinionin publik, që më shumë se kurrë ka nevojë për mendimin e tyre të kualifikuar.

Është koha të forcojmë më shumë institucionet e këtyre fushave, por edhe t’i dëgjojmë këshillat e tyre shkencore në kohë. Ramë dakord që së afërmi të zhvillojmë një konferencë ndërkombëtare me përfaqësues nga rajoni dhe më gjerë, për të forcuar bashkëveprimin në përballimin e fatkeqësive natyrore”, shton Presidenti Meta.

Shfaq Komentet (0)

Shkruaj nje koment

Adresa juaj email s’do të bëhet publike. Fushat e domosdoshme janë shënuar me një *

* *

Kthehu
WhatsApp Denonco ne TT