Fotoja e mëposhtme, e një polici nga Kosova duke i dhënë ujë një të moshuari të prekur nga tërmeti, ka bërë bujë nëpër rrjetet sociale në Kosovë.
Fotoja është bërë e famshme, pasi u kujton të gjithëve sesa të lidhur jemi si komb pavarësisht se jetojmë në dy shtete të ndryshme.
Gjatë 24 orëve të fundit, Kosova është kthyer në një nga shtetet që ka dhënë mbështetjen më të madhe për të prekurit nga tërmeti. Qoftë nga predispozita e qeverisë, e cila përveç ndihmave ekonomike ka dërguar edhe shumë burime njerëzore, por edhe nga popullata e thjeshtë.
Ka pasur një angazhim të përgjithshëm të gjithë njerëzve për të kontribuar me të gjitha mënyrat për të ndihmuar të prekurit. Disa duke hapur dyert e shtëpsë, disa me veshje e disa me të mira të tjera materiale.
Momente të tilla janë për të na kujtuar se kush jemi dhe sa e fortë është lidhja mes nesh.
