Ministria e Mbrojtjes ka konfirmuar zyrtarisht se deri më tani kemi 4 viktima si pasojë e tërmetit të fuqishëm që goditi vendin. Po kështu, Ministria e Shëndetësisë po nëpërmjet një njoftimi zyrtar, konfirmon se nëpër spitale janë 325 të plagosur në Durrës dhe Tiranë.
Sipas informacionit zyrtar, një person humbi jetën në Kurbin, pasi u hodh nga ballkoni në panik e sipër, një tjetër u nxor nga rrënojat në Durrës dhe dy të tjerë në fshatin Thumanë në Fushë Krujë.
Instituti i Gjeologjisë dhe Minierave bën të ditur se goditja kryesore tashmë ka kaluar. Por në zonën epiqendrore, qytetarët këshillohen të qëndrojnë jashtë. Sikundër duket qartë edhe nga pamjet në fjalë, ushtria ka zbarkuar në terren.
