Pak ditë më parë u bë publike se këngëtarja e njohur Genta Ismajli, ishte në një lidhje dashurie me një biznesmen turk.
I dashuri i saj quhet Husen, 39 vjeç dhe ka biznese të mëdha në Turqi dhe në Zvicër. Kjo si duket është edhe një ndër arsyet pse e kemi parë shpesh Gentën të vizitojë Turqinë.
Këngëtarja ka qenë gjithmonë e kujdesshme dhe e rezervuar sa i përket jetës së saj private, por ky nuk duket të jetë rasti. Menjëherë pas bërjes publike të lidhjes, mediat kosovare publikuan disa foto të çiftit brenda një limuzine ku shfaqeshin shumë të lumtur.
Mësohet se çifti tashmë jeton në Zvicër, pasi aty është edhe vendi ku banon partneri i Gentës.
Sa i përket aspektit profesional, bëhet me dije se Genta do të bashkëpunojë me këngëtarin e njohur turk, Cezar. Thuhet se në një pjesë të këngës, këngëtarja do të këndojë në turqisht një dedikim për të dashurin e saj.
Kjo lidhje e saj me biznesmenin turk vjen 10 vjet pas ndarjes problematike nga ish-i dashuri kosovar, Milot Binaku.
