Kreu i Lëvizjes Vetëvendosje në Kosovë, Albin Kurti ka folur sërish në lidhje me raportet me kryeministrin shqiptar Edi Rama.
I ftuar në emisionin “Open” në Top Channel, Kurti tha se mospajtimet e tij me kryeministrin Rama po keqpërdoren . Sipas tij, këto keqinterpretime po bëhen nga ata që nuk duan bashkimin e dy vendeve.
“Shpreh pakënaqësinë time lidhur me keqpërdorimin që i bëhet kritikave dhe mospajtimeve mes meje dhe Ramës, dhe këto keqinterpretime bëhen nga ata që nuk duan bashkimin mes Shqipërisë dhe Kosovës.
Kemi afërsi me PS-në, por dega jonë në Shqipëri, nuk është as pozitë dhe as opozitë. Unë nuk jam Bojken Abazi as Enis Sulstarova, ata drejtojnë degën e Shqipërisë dhe mund ta pyesni atë”.
