Gjyqtari i Kushtetueses, Besnik Muçi është shkarkuar nga detyra. Vetëm pak minuta më parë është dhënë verdikti për gjyqtarin e Kushtetueses Besnik Muçi nga KPA-ja. Kjo e fundit, ka gjykuar se ankimimi i Komisionerit Publik ka qenë i drejtë dhe për këtë arsye ka shkarkuar Muçin.
Pas vendimit të KPA-së, Muçi ka thënë me ironi gjatë një prononcim për mediat se i vetmi mëkat që ka bërë është fakti që aplikoi për anëtar në Gjykatën Kushtetuese.
“Më thoni kush është ai qytetar shqiptar, pasuria e të cilit mos ketë probleme të natyrës së qindra mijërave lekë, unë e kam thënë jam bërë vet prokuror, kam konkurruar dhe kam ushtruar 17 vjet profesionin me përkushtim korrektesë. Duke zbatuar ligjin pa asnjë masë disiplinore dhe mëkati i vetëm është që bëra para nja dy vjetësh, që ata që janë marrë me analizën e shqyrtimin, dhe autoritetet e ambasadës amerikane, mëkati i vetëm se aplikova për anëtar të Gjykatës Kushtetuese.
Mëkati tjetër e bëri zoti Dvorani më listoi i treti në listë, për vakancat e Presidencës dhe Kuvendit.
Mëkatin tjetër e bëri Presidenti Meta që më emëroi anëtar të Gjykatës Kushtetuese.
Ku qëndron problemi im në këtë lloj situate, çfarë mund të bëjë një jurist që ka besim te institucionet e vendit të tij dhe kërkon të bëjë karrierë duke respektuar dhe procedurat institucionet?”, deklaroi gjyqtari Muçi.
LAJMI FUNDIT/ Shkarkohet gjyqtari i Kushtetueses Besnik Muçi
Kujtojmë se para dy javësh, Komisioni Publik ka kërkuar shkarkimin e Muçit për pasaktësi dhe pamjaftueshmëri dokumentesh për justifikimin e pasurisë së tij. Ai është shprehu se çdo pasuri e tij ka burim ligjor, teksa theksoi se familja e tij ka pasur pasuri të tjera, përveç tokës bujqësore.
“Shkaku i parë i ankimit është diferenca financiare të 4 vitet, 2003-2006 në shumë e 6 mln lekë të vjetra, të llogaritura sipas Komisioneri Publik dhe të pranuar nga KPA në kundërshtim me ligjin.
Shkaku i dytë është mosdeklarimi i tokës bujqësore që bashkëshortja ime ka marrë në pronësi në vitin 1991. Bashkëshortja ime është larguar nga familja para 22 vitesh, është një pasuri me burim të ligjshëm.
Shkaku tjetër i ankimit ka qenë mosdeklarimi i një banese, të ndërtuar në vitin 1985, të ndërtuar nga familja e bashkëshortes, kur ajo ka qenë e mitur. Ai truall 170 metër në atë fshat e ka sot vlerën 200 mijë lekë. Një shkak ankimi për 40 mijë lekë të vjetra.
Të tjera shkaqe ankimi ishin huatë e marra nga familja ime. Huaja e marrë nga babai, vëllai e motra ime, nga xhaxhai im, 400 mijë lekë të reja, të cilat unë i provova tej çdo ndryshimi. Deklarova që familja ime ka pasur të ardhura të tjera, përveç tokës bujqësore”, tha gjyqtari.
