Kryetarja e LSI-së, Monika Kryemadhi, ka folur nga SHBA-të në lidhje me ngërçin e krijuar me Gjykatën Kushtetuese.
Në një intervistë për Zërin e Amerikës, Kryemadhi tha se mosfunksionimi i Gjykatës Kushtetuese ka sjellë këtë rezultat që kemi sot.
Ajo kritikoi edhe vendimin e kreut të KED, Ardian Dvoranit, për botimet e këtij institucioni në Fletoren Zyrtare. Lidhur me këtë ajo ngre dyshime rreth lidhjes së tij me drejtoreshën e qendrës së botimeve, për të cilën sipas saj thuhet se është bashkëshortja e avokatit të njohur Maks Haxhia.
Ky i fundit ka qenë edhe avokati mbrojtës i ish-ministrit të Brendshëm, Saimir Tahiri.
“Dua të përgëzoj që filloi lëvizja për të krijuar institucionin më të rëndësishëm në Shqipëri. Mosfunksionimi i Gjykatës Kushtetuese ka sjellë këtë rezultat që kemi sot, zgjedhje moniste, opozitën jashtë parlamentit, një sistem drejtësie që kërkohet të kapet nga qeveria dhe një stanjacion dhe depopullim të Shqipërisë.
Me çfarë të drejte z.Dvorani boton vendimet e KED në Fletore Zyrtare. Kush ia ka bërë këtë gjë? Cila është lidhja me drejtoreshën e qendrës së botimeve, bashkëshortja e Maks Haxhisë? A ka një lidhje me avokatin e ish-ministrit Tahiri?
Zonjën Vorpsi e ka shpallur gruaja e Maks Haxhisë, i cili është avokat i Saimir Tahirit. Gjykata Kushtetuese u ngrit, ka shumë çështje për të diskutuar”, tha ajo.
“Kam zbatuar vetëm ligjin”, reagon noterja ku u “betua” Arta Vorpsi
