Kushtetuesja njeh Marsida Xhaferllarin si anëtare të saj

Gjyqtarja Marsida Xhaferllari njihet nga Gjykata Kushtetuese si anëtare e saj.

Përmes një njoftimi për mediat, Kushtetuesja e ka listuar Xhaferllarin si gjyqtare me kompetenca të plota.

Në faqen e saj Gjykata Kushtetuese shkruan se këta janë gjyqtarët që plotësojnë kushtet e parashikuara në ligj për të qenë anëtar të Këshillit të Emërimeve në Drejtësi.

‘Përplasja Vorpsi-Xhaferllari’/ Ambasadori italian tregon si duhet vepruar

“Lista e gjyqtarëve të Gjykatës Kushtetuese, që plotësojnë kushtet e parashikuara në Ligj, për të qenë Anëtarë të Keshillit të Emërimeve në Drejtësi.

Në mbështetje të nenit 221 të ligjit nr.115/2016 “Për organet e qeverisjes së sistemit të drejtësisë”, i ndryshuar me ligjin nr.47/2019 “Për disa shtesa dhe ndryshime në ligjin nr.115/2016 “Për organet e qeverisjes së sistemit të drejtësisë”, sot, më 15.11.2019, Gjykata Kushtetuese i ka dërguar institucionit të Presidentit të Republikës dhe Kuvendit të Shqipërisë listën e gjyqtarëve të Gjykatës Kushtetuese që plotësojnë kushtet e parashikuara në ligj për të qenë anëtar të Këshillit të Emërimeve në Drejtësi.

1. Znj. Vitore Tusha, gjyqtare me kompetencat e Kryetarit të Gjykatës Kushtetuese;
2. Z. Besnik Muçi, gjyqtar;
3. Znj. Elsa Toska, gjyqtare;
4. Znj. Marsida Xhaferllari, gjyqtare;
5. Znj. Fiona Papajorgji, gjyqtare.

Lajmi i fundit/ Lëvizja “surprizë” e Arta Vorpsit