Përgjatë një deklarate mediatike nënkryetari i LSI-së Petrit Vasili ka akuzuar qeverinë se ka ushtruar dhunë çnjerëzore ndaj banorëve të Astirit.
“Banorët e Astirit janë përballur sot me një dhunë çnjerëzore të jashtëzakonshme nga ana e qeverisë së Edi Ramës.
Sot, hajdutët e qeverisë peng të oligarkëve goditën dhe helmuan banorët e thjeshtë që mbronin banesat e tyre nga grabitja e paligjshme e qeverisë.
Në vend të dialogut dhe dëmshpërblimit të drejtë qeveria zgjodhi grabitjen policore për të mbushur xhepat e saj dhe të oligarkëve.
Sot është dhunuar çdo shqiptar. Sot, liria e pronës së çdo shqiptari është më në rrezik se kurrë. Sot, liria e protestës është më në rrezik se kurrë. Sot, e drejta e jetës është më në rrezik se kurrë.
Sot, liria e shprehjes është më në rrezik se kurrë. Sot, demokracia është në buzë të greminës.
Askush dhe asnjë alibi nuk e shpëton dot qeverinë e cila zgjodhi të derdhte gjakun e qytetarëve të thjeshtë për të plotësuar interesat korruptive të saj”, tha Vasili.
