Ayam Cemani, është një lloj pule e veçantë, e rritur fillimisht në Indonezi, dhe me pas e përhapur në mbarë botën. Ndryshe nga pulat e tjera, tek Ayam Cemani gjithçka është e zezë dhe jo vetëm pamja e jashtme, por edhe organet dhe gjaku. Sipas indonezianëve, pula Ayam Cemani sjell fuqi dhe dobi. Ajo therret zakonisht në festimet që ndodhin në vend, për të siguruar mbrojtje nga të këqijat.
Ndërkohë, vezët e pulës Ayam Cemani janë të bardha, si ato të pulave normale, veçse pak më të vogla. Besohet se mishi dhe gjaku i pulës është i dobishëm për sëmundjet e kanaleve të frymëmarrjes, si astma, në një kohë që forcon shumë sistemin imunitar.
Shkencëtarët thonë se ngjyra e zezë e pulave Ayam Cemani, është një lloj mutacioni gjenetik. Ky mutacion, bën që këto pula të prodhojnë 10 herë më shumë melaninë se pulat normale. Kjo gjendje gjenetike quhet “fibromelanos”.
Pigmente të tilla të errtë gjenden edhe në lëkurën, flokët dhe disa pjesë të trupit të njeriut, por ato nuk janë të dëmshme. Pulat kanë një peshë mesatare 1.5-2 kg, ndërsa gjeli Ayam Cemani peshon 2-3 kg kilogramë. Çmimi i kësaj pule në Indonezi varion midis 300-500 dollarë. Ndërkohë në Perëndim, ka njerëz që ofrojnë shuma nga 2500-5000 dollarë, në varësi të cilësisë dhe racës së pulës./ TIRANA TODAY
