Gratë e Srebrenicës kanë protestuar ditën e sotme para Ambasadës së Suedisë në Sarajevë kundër dhënies së çmimit Nobel në Letërsi për shkrimtarin austriak Peter Handke, për shkak të qëndrimeve pro serbe gjatë luftërave të viteve 1990 në ish-Jugosllavi.
Kujtojmë se Akademia suedeze njoftoi në tetor dhënien e çmimit për veprën e Peter Handkes, i cilësuar si trashëgimtari i Gëtes.
Mirëpo qëndrimet pro serbe të tij kanë ngjallur polemika të shumta.
Gratë e Srebrenicës, qytet i Bosnjës Lindore, që ka qenë skenë e masakrës më të rëndë të kryer gjatë luftës ndërkomunitare të Bosnjes (1992-95), theksuan se shpresonin që Akademia suedeze do të rishikonte vendimin e saj.
