Rezarta Shkurta ka ndarë me publikun historinë e para shumë vitesh, se si një intervistë u bë shkak për ‘ndarjen’ e saj me Ermalin. E ftuar në “Thumb on” , ajo tha se gjithçka filloi pasi Aulona i kërkoi një intervistë ekskluzive.
Por një titull i gabuar, për pak i shkatërroi lidhjen. “Atëherë, Aulona më kërkoi të flisja ekskluzivisht për lidhjen time me Ermalin. Unë mendova, hajt meqë jemi shoqe po ja jap…
Të nesërmen unë, si princeshë po prisja të lexoja intervistën. Kur ç’të lexoja… titulli: Pse u ndava nga Ermali, bashkëshorti ideal”, tha Rezarta në emision.
Më tej Aulona shpjegoi se e gjitha kishte qenë një gabim në faqosjen e gazetës. Moderatorja e emisionit shtoi më tej se në intervistën e Rezarta Shkurtës, ishte vënë titulli për rrëfimin e Albërije Hadërgjonaj.
“Një javë më parë kisha intervistuar Albërije Hadërgjonaj, dhe titulli i asaj interviste ishte: ‘Pse u ndava nga bashkëshorti’. Ndërkohë që ai i intervistës së Rezartës ishte: ‘Ermali, bashkëshorti ideal’.
Një gabim i faqosjes i bashkoi këto dy tituj. ‘Pse u ndava nga Ermali, bashkëshorti ideal!”, tha Aulona, duke shpjeguar historinë e para 10 viteve.
Rezarta tregoi më tej se ishin shqetësuar paksa, për shkak të këtij titulli. Por që tashmë e kujtonin duke qeshur.
