Prej 24 orësh tashmë, Durrësi është nën kontrollin e forcave speciale dhe RENEA. Këto të fundit po ndihmojnë policinë në aksionet e shoqërimit të personave të dyshuar për atentatin ndaj prokurorit, Arian Ndoja.
Urdhri për shoqërimin e këtyre personave ka ardhur nga prokurorët Anton Martini, Donika Prela dhe Besim Hadarmataj. Deri më tani mësohen të jenë shoqëruar në komisariat mbi 70 persona.
Në komisariat mësohet të jetë shoqëruar edhe Plaurent Dervishaj, ish-kunati i Lulzim Berishës dhe Julian Meçe. Kujtojmë se këta të fundit u plagosën në atentatin e organizuar ndaj tyre në qershor të këtij viti, thuajse në të njëjtën zonë ku ndodhi ngjarja të premten.
Gjatë atentatit, prokurori Arian Ndoja ishte i shoqëruar në makinë nga dy personat e tjerë: shoferi Andi Maloku dhe Aleksandër Lahon (Pëllumb Muharremi).
