Prokurori i Durrësit Arjan Ndoja u plagos ditën e sotme, pas një atentati të organizuar te mbikalimi i Shkozetit. Nga shkëmbimi i zjarrit mes dy makinave në lëvizje, të plagosur mbetën edhe dy persona të tjerë.
Dyshohet se shënjestra e atentatit ka qenë prokurori Arjan Ndoja. Muajt e fundit, Ndoja është akuzuar së fundmi nga kryeministri Edi Rama dhe zv.kryeministri Erion Braçe si “prokurori që punon për grupet kriminale”. Në një nga seancat parlamentare, Rama e etiketonte si pjesë e grupit “KÇK’’ (kap ça të kapësh).
Ndoja e ka nisur fillimisht punën si prokuror i Durrësit në vitin 2008. Forca të shumta policie ndodhen në vendngjarje, si dhe kanë ngritur disa postblloqe pranë vendngjarjes.
