Ish-deputeti i Partisë Demokratike, Agron Shehaj u shpreh se të gjithë oligarkët që kanë kryer korrupsion në Shqipëri duhet të dënohen.
Teksa po fliste për lidhjet që ekzistojnë mes qeverisë dhe disa biznesmenëve, Shehaj deklaroi në “Opinion” se këta oligarkë madje vendosin edhe ministra. Sipas ish-deputetit, ata detyrojnë qeverinë të bëjnë ligje për përfitime personale.
“Ka oligarkë në Shqipëri, është dikush që falë lidhjes që ka me politikën ndërton një biznes, ose që ka përfitime përmes lidhjeve me politikën.
As unë as kryetari i PD-së nuk kemi thënë që kanë lindur në kohën e Edi Ramës. Oligarkët janë ata që bëjnë ligjin, vendosin ministra, komandon kryeministrin.
Ka oligarkë që vendosin ministra, po po! Një parlament që mblidhet dhe voton ligjin për Teatrin është se po i bën një favor një oligarku.
Ligji për Teatrin është bërë për kompaninë FUSHA, nuk e them vetëm unë por e ka thënë dhe BE. Kompania FUSHA pastaj do t’i shpërbejë kryeministrit, do blejë media për kryeministrin, do fus njerëz në punë për të.
Nëse ka patur korrupsion duhet të dënohen të gjithë. Kompania FUSHA fiton vetëm tenderë, falë lidhjeve që ka me politikën fiton tenderë qindra milionë eurosh”, pohoi Shehaj.
