Mungesa e avokatëve ka çuar në shtyrjen e proçesit për biznesmenin Arber Çekaj dhe 2 të pandehurve të tjerë. Tre të pandehurit akuzohen për trafikun e 613 kilogramë kokainë të kapur në Maminas.
Teksa sot pritej të lexohej pretenca e Prokurorisë, është vënë re mungesa e avokatëve, Donald Lushaj dhe Armando Pezaku. Ndërsa avokati Maksim Haxhiaj kishte dorëzuar një kërkesë për shtyrje për arsye shëndetësore. Procesi i radhës u caktua të mbahet më 8 nëntor.
Arbër Çekaj doli para gjykatës të Krimeve të Rënda më 21 shtator. Në këtë seancë atij iu komunikua masa ‘arrest me burg’. Kujtojmë se Çekaj u arrestua në Gjermani dhe u ekstradua në Shqipëri dhe akuzohet për 613 kg kokainë të kapur në portin e Durrrësit.
