Zv.ministri i Mbrojtjes, Petro Koçi theksoi edhe njëherë se presidenti Ilir Meta ka shkelur Kushtetutën me zhdekretimin e zgjedhjeve vendore të 30 qershorit. Për këtë arsye, sipas tij, duhet të shkarkohet.
Koçi deklaroi për “ATSH” se Parlamenti është gjeneratori kryesor që vendos për shkarkimin e Presidentit. Ndërsa shtoi që mazhoranca e ka për detyrë të jetë gardiane e Kushtetutës.
“Kushdo, që nga Presidenti e deri të qytetari me i thjeshtë, është një liliput përballë Kushtetutës. Mazhoranca e ka për detyrë të jete gardiane e Kushtetutës. Meta e shkeli rëndë atë me zhdekretimin e zgjedhjeve te 30 Qershorit. Prandaj duhet te shkarkohet”, tha Koçi.
