Kryeministri i Maqedonisë së Veriut Zoran Zaev së fundmi ka deklaruar se përveç anëtarësimit të plotë në BE, nuk do të pranojë asnjë alternativë tjetër.
“Vendi ynë është në BE dhe nuk do të pranojmë asnjë ofertë tjetër. E gjithë bota po flet për ne, për atë që kemi bërë. Kemi përmbushur detyrimet tona dhe e kemi merituar hapjen e bisedimeve. Duam atë që meritojmë dhe asgjë tjetër. Nuk pranojmë asnjë alternativë tjetër, pakte, partneriteti, projekte ekonomike. Ne jemi për anëtarësim të plotë në BE”, ka deklaruar Zaev në një tribunë të shtunën në mbrëmje me simpatizantë të LSDM-së në qytetin e Prilepit.
