Drejtori sportiv i Juventusit, Fabio Paratici deklaroi se sulmuesi portugez Cristiano Ronaldo është lojtari më i miri në histori të futbollit, pasi ka thyer rekorde të shumta.
Paratici e ka bërë të qartë këtë gjë pas ndeshjes ndaj Lokomotiv Moscow, ndeshje në të cilën fituan me rezultat 2-1. “Zonja e Vjetër”, arriti të fitojë këtë ndeshje fal dy golave të sulmuesit, Paulo Dybala.
“Cristiano është lojtari më i mirë në botë, me shumë mundësi më i miri në histori duke konsideruar rekordet që ka arritur si individ. Akoma e ka dëshirën për t’u trajnuar dhe të bëjë më të mirën”, deklaroi ai.
Juventusi në grupin D në kuadër së Ligës së Kampionëve është lider me 7 pikë, aq sa ka Atletico në vendin e dytë, ndërsa Lokomotiv Moscoë është në vendin e tretë me tri pikë dhe në vendin e fundit është Bayer Leverkusen, i cili nuk ka fituar asnjë ndeshje.
