Aktori i njohur i humorit, Rezart Veleshnja, me anë të një videoje të postuar në Instastory, ka treguar se policia i ka vënë gjobë 20 mijë lekë vetëm se ka parkuar diku për 10 minuta. Ai ka shpërthyer në revoltë të hapur ndaj kryeministrit Rama, ku sipas tij, policët janë të detyruar të vendosin gjoba. Ose sikundër ai e nënvizon, policët janë të detyruar që të zbatojnë normën e vendosur për gjobat. Teksa ndodhet në mjetin e tij, aktori vë me ‘shpatulla pas murit’ Ramën, ndërsa nuk kurset me sharjet ndaj tij.
“Policia e Shtetit është më e korruptuar në botë që kemi ne. Mua 20 mijë lekë, kurse Florit 10 mijë lekë, kur të dy kemi parkuar në të njëjtin vend. O polic, mirë që je injorant, më fal tani se vetëm injorancë mund të çojë këtu, po t’i mos dëgjo ça thotë shteti e ja kërcitja me gjoba, të paktën vendosi të barabarta. Mua 20 dhe Florit 10. Eeeee ça policie. Bravo Ramaaa, kjo është të bësh shtet, je nona të adhurojmë.
E kanë me normë, e kanë me normë, kam takuar gjithë ato policë që thonë e kemi me normë, na ka thënë shefi i madh të kapin kaq normë brenda ditës. Ore, ore e kuptojnë këta ç’po bëjnë, pse me gjakun e shtetit do e bëni. E kuptojnë këta shefat e mëdhenj që llafi del, se kemi të afërm dhe miq që tregojnë se janë të detyruar të plotësojnë normën.
10 minuta është me ligj, kam hall e do ndalojë 10 minuta. Po ndonjëri që ka një makinë të vogël dhe ka një makinë të vogël dhe një pagë 300 mijë lekë, e do të mbarojë punët e familjes, po të marri çdo ditë nga 10 mijë lekë gjobë i bie të paguajë gjoba. Po ik ooooo Edvin Rama, dy fjalë ka vllai jot për ty: Fuck you dhe shteti jot”.
