Barcelona shpenzoi 120 milionë euro për Antoine Griezmann në merkaton e verës, si dhe rreth 70 milionë euro të tjera për mesfushorin De Jong. Mirëpo, skuadra katalanase nuk mjaftohet me kaq!
Sipas mediave spanjolle, Barcelona po mendon të shpenzojë sërish në merkato, sepse Champions League mbetet prioriteti i madh.
Mësohet se presidenti Bartomeu ka vënë në dispozicion rreth 300 milionë euro për merkaton e janarit dhe atë të verës.
Dy pozicionet kryesore ku do të ndërhyjë klubi është sulmi dhe mesfusha ofensive. Konkretisht, Barcelona ka nevojë për një sulmues qendre dhe një mesfushor krijues, meqë pritet largimi i Rakiticit dhe shitja e Coutinho te Bayern.
