Mbetet ende sot operacioni më i gjatë në botë, 96 orë gjithsej. Nisi në datën 4 shkurt, dhe zgjati deri më 8 shkurt 1951, në një spital të Çikagos. Pacientja ishte 58-vjeçarja Getrud Levandovski nga Bërnips, Miçigan. Kur burri i saj vdiq në fillim të viteve 1940, ajo nisi të shtojë peshë për shkak të një kisti ovarian. Në një moment, vetëm pesha e masës kanceroze ishte 135 kg.
Ndërsa Gertrud peshonte mbi 280 kg, dhe nisi të kishte probleme me zemrën. Tumori duhej të hiqej, por për shkak të probleme kardiake, operacioni mund të çonte thuajse me siguri në vdekjen e saj. Në këto kushte doktori M.S.Roberts, propozoi një metodë të ndryshme për heqjen e kistit.
Në vend që thjesht ta shkulte atë nga vendi, ai propozoi tharjen e tij graduale përmes drenimit të lëngut. Roberts e nisi këtë procedurë më 1 shkurt. Progresi ishte tejet i ngadaltë. Pas 4 ditësh, u hoqën më shumë se 100 litra lëngje, duke lënë një tumor më të vogël dhe më të menaxhueshëm.
Pacientja kurajoze e mori shpejt veten nga ajo sfidë. Kur mbërriti në spital, Gertrud peshonte 280 kg. Pas operacionit ishte vetëm 140 kg. Ndërkohë, 4 muaj më vonë, iu nënshtrua një tjetër operacioni për heqjen e 23 kg lëkure të tepërt. Në fund, pesha e saj ra në vetëm 117 kg./ TIRANA TODAY
