Pasi Komisioni i Venecias konstatoi se Presidenti Ilir Meta ka kryer shkelje për çdekretimin e zgjedhjeve të 30qershorit, ka ardhur dhe një reagim nga ai. Në një prononcim për Ora News, Meta tha se qëndrimin zyrtar do ta japë kur Komisioni të thotë fjalën e fundit. Dhe se për presidentin raporti i djeshëm është një “draft i parëndësishëm.
‘’Zero koment, e kam shteruar me kohë edhe si President dhe institucion mbrojtjen e shkëlqyer parimore që i kemi bërë Kushtetutës dhe pluralizmit politik sipas Konventës Europiane të Drejtave të Njeriut. Drafti i publikuar është gjë e parëndësishme. Stafi im do të qartësohet për datën e fundit (kur pritet të jepet vendimi i KV-së). Pasi të qartësohemi për datën, Presidenca do të përgjigjet dhe e gjitha kjo do të jetë publike’’, u shpreh Kreu i Shtetit për raportin e posaçëm të Komisionit të Venecias.
Pyetjes së gazetarit nëse i trembet apo jo, Meta e lidhi përgjigjen me fitoren e Çmimit Ndërkombëtar “Luani i Artë” që mori në Venecia në 13 korrik.
“Si mund ti trembet Venecias Luani i Artë i Venecias të paktën për këtë vit. Të jeni të sigurt se Luani i Artë i Venecias për këtë vit do të jetë siç e ka mbajtur premtimin deri më 24 korrik”
Vazhdoni ti qëndroni kësaj date?
Ilir Meta: Kjo është një gjë ka përfunduar. Askush të mos lodhet dhe të mos merret me datën 11. Nuk ekziston data 11. Data 11 ekziston për ata që duan të zgjasin krizën, ta thellojnë atë dhe që duan të mbulojnë shumë probleme të tjera. Për presidentin Meta ka vetëm një datë të rëndësishme, data 18, në mënyrë që Shqipëria të ketë mundësi të çelë ecë drejt çeljes së negociatave dhe të plotësojë të gjitha detyrimet që janë të qarta dhe që nuk duhet të shtohen më. Apeli im është që të gjithë të përqendrohen në zgjidhjen e krizës dhe të marrin shembull nga presidenti.