Kryebashkiaku i Londrës, Sadiq Khan, ka zhvilluar një bisedë telefonike me kryetarin e Bashkisë së Tiranës, pas tërmetit të fuqishëm që tronditi kryeqytetin një javë më parë.
Përmes një postimi në Twitter, Khan shpreh solidarizimin për të prekurit nga tërmeti, teksa thekson faktin se shumë shqiptarë që jetojnë në Londër, kanë familjet dhe të afërmit në Tiranë.
“Shumë nga popullsia me origjinë shqiptare në Londër kanë familje dhe miq të prekur nga tërmeti i fundit në rajonin e Tiranës. Kënaqësi të flisja me Erion Veliajn, Kryebashkiak i Tiranës, për t’i ofruar mbështetje dhe solidaritet për të gjithë të dëmtuarit apo të prekurit”, shkruan Sadiq Khan në Twitter.
Kujtojmë se të shtunën që kaloi, Durrësi dhe Tirana u tronditën nga një tërmet prej 5.8 ballësh, i cili u pasua nga më shumë se 300 pasgoditje të tjera.
Many of London’s Albanian origin population have families and friends affected by the recent earthquake in the Tirana region. Good to speak to @erionveliaj, Mayor of Tirana, to offer support and solidarity to all those injured or affected. https://t.co/fyF3lKnfq9
— Sadiq Khan (@SadiqKhan) September 27, 2019
