Juristja e njohur Eni Çobani, duket se e ka humbur durimin në një nga çështjet që po trajtohej në rubrikën “Shihemi në gjyq”.
Rasti i Sonilës, e cila bashkëjetonte prej më shumë se 20 vitesh me një burrë të martuar, kishte ardhur të përballej në studio me bashkëshorten e partnerit të saj dhe vajzën e tyre, në lidhje me atësinë e djalit të saj.
Mirëpo situata ka agravuar në sherr verbal mes dy palëve, duke e bërë Eni Çobanin të reagojë ashpër, duke i thërritur zonjave.
“Ju kam dëgjuar shumë, paskam qenë shumë e duruar, të lutem shumë! Po të zihesh për një burrë, po s’ia vlen moj zonjë! Po nuk zihet njeriu për një burrë! Po ç’e do atë burrë moj aman! Po s’duhet ai burrë moj! O Sonila, po s’ke ç’e do atë burrë moj!”, u shpreh juristja gjatë debatit në studio.
Por kjo video u bë shumë shpejt virale në rrjetet sociale, duke bërë edhe vetë Eni Cobanin ta shpërndajë, bashkangjitur me një mesazh të rëndësishëm.
“Kam lexuar çdo mesazh, kam përcjell çdo mendim dhe opinion të secilit prej jush që ndjetë dhe shkruajtët ashtu siç menduat dhe unë respektoj mendimin e gjithsecilit prej jush te njohur apo të panjohur prej meje ju jeni te gjithë miqtë e mi.
Tani dua t’ju them vetëm diçka të dalësh në publik dhe ta bësh jetën tënde një objekt bisede të çdokujt nuk është e lehtë kështu që në radhë të parë të frenohemi kur fyejmë protagonistët dhe për më tepër mendimet mbi jetën e tyre dhe vështirësitë që ato kanë kaluar ne s’kemi asnjë të drejtë që t’i denigrojmë. Ju lutem kush shan dhe fyen patjetër që do fshihet është i respektuar kushdo që jep një opinion si ta shëndoshim dhe zgjidhim situatën. Faleminderit për mirëkuptimin!”
https://www.instagram.com/p/B2uYywVhx0u/?utm_source=ig_web_copy_link
