Mund të duket e pabesueshme, por një njeri ia ka dalë të notojë 225 km pa u ndalur në det të hapur. Rekordi i përket notarit legjendar kroat Veljko Rogosic. Në gushtin e vitit 2006, ai u nis nga qyteza e Grados në Kroaci, dhe mbërriti në Riçione të Italisë, 50 orë dhe 10 minuta më vonë. Distanca ishte e pabesueshme: 139.8 milje detare.
Dhe u përshkrua, pa pasur mjete mbështetëse me vete. Distanca u mat me GPS nga Libri i Rekordeve Gines. Edhe sot ky rekord mbetet i pathyer. Veljko Rogosic lindi në vitin 1941. Ai mori pjesë rregullisht në garat zyrtare të notit, që nga mosha 18-vjeçare.
Gjatë karrierës së tij të shquar, fitoi 142 gara kombëtare dhe dhjetëra medalje ndërkombëtare. Edhe në moshë madhore, Veljko nuk hoqi dorë nga garat e gjata të notit. Në vitin 2004, ai u bë anëtar i klubit “Half Century”, pasi kaloi me not Kanalin Anglez në moshën 63 vjeçare, në vetëm 11 orë e 27 minuta. Ndërroi jetë më 7 gusht 2012 në moshën 71-vjeçare, si pasojë e një sëmundje të rëndë./ TIRANA TODAY
