Kryetari i grupit parlamentar socialist Taulant Balla, në një deklaratë për mediat, u shpreh se ftesa bërë publike nga Rama ditën e djeshme për opozitën joparlamentare është e hapur dhe e sinqertë.
Balla tha se ftesa e djeshme ishte e sinqertë dhe ka për synim bashkëpunimin me opozitën për të miratuar ndryshimet në Kodin Zgjedhor. Po ashtu, u pyet edhe për deklaratën e kryetari të Komisionit të Reformës Zgjedhore, Damian Gjiknuari, i cili tha se është i gatshëm të ri-shohë pozicionin e tij pas pretendimeve të PD, por me disa kushte.
“ Ajo që ka bërë dje kryeministri Rama është një shprehje e gatishmërisë sonë, në komisionin e reformës zgjedhore të jetë zëri apo kërkesat që burojnë nga PD dhe aleatët e saj. Të gjitha palët duhet të kuptojnë se ne jemi kundërshtar, por kur bie fjala tek reforma secili duhet të japë mendimet e veta që zgjedhjet e qershorit 2021 të zhvillohen me ndryshimet e reja në Kodin Zgjedhor. Psh vota e qytetarëve që jetojnë jashtë territorit të votojnë me postë apo me njësitë tona diplomatike. Koha deri në 2021 është shumë e shkurtër. Në kuadër të një reforme zgjedhore të plotë lidhet edhe me adresimet e OSBE/ODIHR. Padyshim që komision do të punojë me intensitet edhe për raportin dhe sugjerimet e zgjedhjeve të 30 qershorit. Temë tjetër janë edhe financimet e partive politike duhet adresuar.
Së pari unë nuk jam dakord me këtë qasje, që njëra palë vendos kushte për përfaqësuesit e palës tjetër. Gjiknuri duhet ta themi se ai është eksperti më i mirë i reformave zgjedhore shumëvjeçare në vend. Është një eksperience ndaj mënyrës së përkthimeve të raporteve të OSBE-ODIHR në amendamente. Ky është një debat pa kuptim. Asnjëra palë nuk mund të zgjidhet. Në demokraci kundërshtari nuk zgjidhet. Nuk duhet të zgjatem aspak, sepse kjo nuk është çështje themelore. Në primet themelore të të drejtave të njeriut askush nuk mund të paragjykohet, për sa kohë që nuk ka asnjë vendim gjykata që të provojë fajësinë”.
