Akademiku Artan Fuga, bën ironi në lidhje me pritjen e vendimit nga ana e Gjermanisë, për të pranuar ose jo që të hapen negociatat, për anëtarësimin e Shqipërisë në BE.
Përmes një postimi në Facebook, Fuga shprehet se Gjermania nuk humb asgjë nga pranimi i hapjes së negociatave, pasi sipas tij, Shqipëria sërish nuk pranohet në BE edhe po të hapen negociatat.
Postimi i plotë:
Hapja e muhabeteve për integrimin në BE
—————-
E mo mirë!
Gjermania kur pranoi miliona sirianë, përse të mos pranojë të hapi negociata me Shqipërinë që kush e di mbas sa kohësh mund të hyjë në BE !!!
Cfarë humb?
Se nuk është se do t’a pranojë Shqipërinë! Tani është fjala të hapi negociatat!
Cfarë janë negociatat se mos ngatërrohemi. Si ta shpjegoj për Qenan K. se nuk rri ai të harxhojë trutë për kësi punësh!
Negociatat janë
bisedimet,
muhabetet,
llogjet,
shkëmbimet e pikëpamjeve,
debatet,
sherret me llafe,
tjerrjet,
mbushjet e mendjes,
argumentimet,
diskutimet,
thashëthemet
për atë jo hy jo nuk hy, jo hyr jo mos hyr.
Këto janë negociatat: muhabetet.
Nuk është vetë integrimi, por muhabetet për integrimin.
Si thotë Qenan K kur do muhabet : do të ulemi për një kafe?
Mirë mo, mos as për muhabet për integrimin nuk qenkemi ne?
Ulemi për një kafe (përkthyer për mendjen e Qenan K), as për kafe nuk doni me u ul?
Ore mos ka ndonjë sebep tjetër se nuk ka mundësi!
