Nuk janë të pakta rastet kur Presidenti Donald Trump ka bërë gafa gjatë fjalimeve të tij, mirëpo ajo çka ka thënë përgjatë një prej fjalimeve të fundit, ka bërë mbarë përdoruesit e rrjeteve sociale për të qeshur.
Trump në një Konferencë për Shtyp në Shtëpinë e Bardhë po fliste për rrezikun e cigareve elektronike, e cila mund të thuhet se është një prej çështjeve më aktuale e shqetësuese. Teksa Trump po merrte një shembull personal, duke iu referuar djalit të tij dhe Melania-s, ai e quajti “djali i saj”, duke e rregulluar më pas menjëherë këtë gabim.
“Cigaret elektronike janë një biznes i madh mesa kuptoj, një biznes i jashtëzakonshëm në një periudhë të shkurtër kohore. Por s’mund t’i lejojmë njerëzit të sëmuren dhe s’mund të lejojmë rininë të ndikohet kaq shumë. Kështu u përfshi edhe Zonja e Parë, e cila ka një djalë, bashkë…”- tha Presidenti.
Kaq ka mjaftuar që videoja të bëjë xhiron e rrjetit dhe të gjithë tanimë po flasin për “gafën” e Trump.
