Ish-ministri i Drejtësisë, Ylli Manjani ka komentuar deklaratën e bërë nga presidenti Ilir Meta se kishte informacion sekret që në protestën e 8 qershorit të opozitës së bashkuar do të digjej godina e Parlamentit.
Manjani, teksa vë në dyshim deklaratën e lëshuar nga kreu i shtetit, përmes një postimi në “Facebook”, shkruan me ironi që: “I djegur dhe i përvëluar është! A e keni parë se çka brenda?! 120 copa mishi me nga dy sy secili.”
POSTIMI I MANJANIT
Do digjej Parlamenti?!
Po i djegur dhe i përvëluar është!
A e keni parë se çka brenda?!
120 copa mishi me nga dy sy secili. Mungojnë edhe 20 të tillë. Por punë e madhe! Nuk ndryshon asgjë.
Po me demek-ligjet që bën a ia keni lexuar? Të gjitha kundër Kushtetutës.
Faqe e zezë! Blozë fare! Blozë e dalë nga një zjarr i përhershëm me shumë tym të zi. Çka mbetur për t’u djegur më?
Veç godina. Aty mund të bëhej një pallat i mirë në fakt. Parlamentin e vënë në bodrum…
Krahasimi me djegien e Reichstag është idiotësi. Hitleri duhet të digjte diçka që se merrte dot ndryshe. Pra e dogji që ta sundonte.
Rama e ka në xhep atë palo Parlament dhe bën ç’të dojë me të. D.m.th e sundon dhe pastaj e djeg me zjarr tymues.
Pra e keqja ka ndodhur, nuk ka kuptim të themi që “do vinte” apo “po vjen”…
