Ish-ministri i Brendshëm, Saimir Tahiri ka mbërritur në Gjykatën e Krimeve të Rënda, pasi sot pritet të lexohet pretenca dhe të kërkohet masa e dënimin për të dhe ish-drejtorin e Policisë së Vlorës, Jaeld Çela.
Tre prokurorët që mbulojnë këtë çështje, pretendojnë se me provat dhe faktet e sjella në gjykim vërtetohet fajësia e tyre.
Ata akuzohen për 3 vepra penale, atë të “Trafikut të lëndëve narkotike”, “Kryerjes së veprave penale nga organizata kriminale” dhe “Grup i strukturuar kriminal”.
Ndërkohë, ish-ministri, gjatë gjithë kësaj kohe ka mohuar akuzat e ngritura për të, ndërsa hedh pretendime se gjyqi ndaj tij është i montuar politikisht.
