Elseid Hysaj është konfirmuar nga trajneri Edi Reja, si kapiten për ndeshjen e radhës ndaj Islandës.
Nga ana tjetër, Hysaj, në konferencën për shtyp, u shpreh i indinjuar nga disa prej komenteve negative të tifozëve në rrjetet sociale.
“I kërkoj tifozëve të jenë më të kujdesshëm dhe dua tu them që të mos fshiheni pas kompjuterit për të kritikuar e sharë lojtarët e kombëtares.
Sigurisht që dikush do gabojë, por ne nuk vijmë të luajmë me kombëtaren për lekë, as me detyrim. Vijmë se e duam ekipin tonë dhe mezi presim, për këtë arsye jam i sigurtë, që secili nga djemtë jep 100% në fushë”, deklaroi ai.
