Autoritetet greke kanë shkatërruar një grup kriminal në fushën e vjedhjeve të banesave, ndërsa në pranga kanë rënë në total 8 persona. Mes tyre 6 shqiptarë dhe 2 grekë.
Sipas mediave fqinje, banda kryente grabitje të armatosura në biznese, shtëpi dhe parkingje private në zona të ndryshme të Atikës. Ndërkohë, policia ka publikuar fotografitë e shqiptarëve të ndaluar, bashkëngjitur me disa të dhëna personale.
Po ashtu, raportohet se mjetet që përdornin për grabitje ishin: Maska, pajisje shkarkimi elektrike, armë zjarri, armë të mprehta etj. Ndërsa për t’i shpëtuar përgjimit nga policia, grabitësit përdornin karta telefoni me emra personash inekzistentë.
Shqiptarët e arrestuar në këtë operacion policor të forcave greke janë:
Mirel Kasaj, Dionis Rustemi, Marinel Murataj, Dhimitër Ramadani, Erius Tafaj dhe Roland Roshi.
Gjatë kontrollit të ushtruar, uniformat blu sekuestruan: 1 kallashnikov, 2 pistoleta, 1 revolver, 4 makina private, 1 skuter me licencë të falsifikuar, 2 licenca të falsifikuar, 2 karta ID të falsifikuara, 1 thikë, 1 palë dylbi, telefona.
Policia konfirmon se grupi në fjalë ka grabitur 6 pika karburanti, 2 grabitje në parkime private, 1 grabitje shtëpie dhe 1 motorçikletë.
