Kreu i Partisë Demokratike, Lulzim Basha, me anë të një video-mesazhi të postuar në rrjetin e tij social “Facebook”, nënvizon se shqiptarët sot janë më të varfër, pasi, sipas tij, po paguajnë shtrenjtë vjedhjet dhe luksin e kryeministrit Rama.
“Miliarda euro janë vjedhur, abuzuar dhe shpërdoruar nga Edi Rama këto 6 vjet, të gjitha kanë përfunduar në xhepat e tij ose janë shpërdoruar për tekat e tij në fasada dhe luks, ndërsa shqiptarët nuk sigurojnë dot bukën e përditshme”, deklaroi kryedemokrati.
Po ashtu, Basha u shpreh se këto 6 vite, qeveria e Ramës ka shpenzuar “32.5 milionë euro për bileta avioni”, ndërsa shton se zyra e tij kushton 5.5 milionë euro.
https://www.facebook.com/lulzimbasha.al/videos/414935135895756/?t=1
Mesazhi i Bashës
Shqiptarët janë sot të varfër sepse janë të vjedhur.
Varfëria, papunësia, mungesa e mundësive vijnë nga grabitja që po i bëhet Shqipërisë nga Edi Rama me një grusht klientësh.
Paratë tuaja, paratë e shqiptarëve po i vjedh Edi Rama me familjen dhe miqtë e tij. Pasurohen të pushtetshmit dhe të pasurit, varfërohen njerëzit e thjehstë dhe të pambrojtur.
Miliarda euro janë vjedhur, abuzuar dhe shpërdoruar nga Edi Rama këto 6 vjet, të gjitha kanë përfunduar në xhepat e tij ose janë shpërdoruar për tekat e tij në fasada dhe lluks, ndërsa shqiptarët nuk sigurojnë dot bukën e përditshme.
Shqiptarët janë pa punë, sepse ekonominë dhe mundësitë ekonomike i kanë marrë oligarkët dhe klientët e Edi Ramës.
Edi Rama është artist i mashtrimit.
Çdo gjë që ka premtuar, cdo gjë që ka thënë ka qenë mashtrim me qëllim për të vjedhur. Çdo projekt, program dhe politike është mashtrim për shqiptarët në shërbim të oligarkëve.
Që të çlirojmë ekonominë dhe të hapim vende pune e mundësi për çdo shqiptar, duhet të largojmë Hajdutin Psiqik dhe bandën e tij grabitqare.
