Babai i të ndjerit Indrit Çelaj, i cili humbi jetën sot pasi u qëllua me plumb në kokë një ditë më parë, thotë se djali i tij nuk ka pasur asnjë konflikt. Batjar Çelaj, është shprehur se është informuar nga mediat gjatë mbrëmjes për vdekjen e të birit.
“Kjo që më ndodhi mua, mos i ndodhtë asnjërit. Kjo është fatkeqësi e madhe në Shqipëri. Ti nisesh në punë, dhe kthehesh i vdekur është fatkeqësi.
E kam marrë vesh nga gazetat. Çuni është vrarë ne 11 paradite, une e mora vesh në orën 7 në darkë, se i kishin marrë edhe dokumentet. Çunin e kishte marrë policia. Djali ishte në punë, punonte me kondicionerë, se ka mbaruar edhe elektriken. Montonte kondicionerët.
Asnjë konflikt nuk ka pasur djali, ka qenë i kulturuar dhe i sjellshëm. Rrallë gjen djalë si ai, nuk dinte të ofendonte, ishte i matur. Ma morën djalin në moshë të re. Në fillim të shtatorit do bënim bufenë. Kur vajta në spital, vetëm kam mbajtur veten. Sikur të kisha fuqi, nuk dija se ç’a mund të bëja. Ku do kërkoj drejtësi, kush ma zgjidh mua?”, thotë ai.
Si skenar filmash/ Kush është 26-vjeçari që u vra me plumb në kokë, arrestohen 4 persona
