Ai kishte dashur ta mbante familjen me para, por u bë i pangopur- Kështu ka thënë i pandehuri, një 28-vjeçar shqiptar, i cili gjatë dimrit të vitit 2017, kreu 11 grabitje me vlerën e 300 mijë eurove.
Teksa ka dalë përpara gjykatës në Rottweiler, i pandehuri ka vendosur të tregonte gjithçka në seancën e dytë të gjykimit, pas një marrëveshje paraprake me gjykatën. Nëse 28-vjeçari do të deklaronte gjithçka me detaje, dënimi i tij do të ulet, midis katër vite e gjysmë burg deri në 6 vite, shkruajnë sot mediat gjermane.
Më pas, i pandehuri dha një skicë të jetës së tij deri më tani. Ai mori një bursë për studime dhe u lejua të bënte një stazh në Bavari. Sidoqoftë, ka qenë një vit i vështirë, tha 28-vjeçari. “Në vazhdën e komunizmit gjithçka ishte ngatërruar në Shqipëri“. Paralelisht, babai u sëmurë.
Si fëmija më i madh, i pandehuri tani mbante përgjegjësinë e ushqimit të familjes. “Ishte një barrë,” shpjegoi ai. Me gjithë bursën, duhej të punonte për të dërguar para në Shqipëri.
28-vjeçari përjetoi një pengesë të madhe në vitin 2013, kur ai nuk mund të punonte më dhe shkoi në Francë për disa vjet për të fituar para atje. “Për të gjetur një vend pune në Shqipëri, do të më duhej të paguaj ryshfet,” tha ai. Kur babai u ndje më keq, u kthye në Shqipëri.
Në tetor 2017, 28-vjeçari udhëtoi për në Gjermani – siç duket me planin për të punuar për një kompani ndërtimi. Sidoqoftë, ky projekt u prish shpejt. Pse erdhi pa leje pune? “Unë kisha besim te njerëzit që më premtuan diçka“, thotë i pandehuri, i cili rrinte tek një mik në Oberndorf.
I pandehuri kreu vjedhjen e parë në të njëjtin muaj që hyri në Gjermani. “Unë nuk mund të them atë që më ka marrë“, thotë 28-vjeçari. “Kam pasur kosto të lartë dhe asnjë mbështetje, familja ime mezi mbijeton”. Ai foli me shokun e tij për idenë e grabitjes në një shtëpi. “Ai gjithashtu u frikësua ta bënte këtë, por disi ne u detyruam, dhe ai ishte në një situatë të vështirë ekonomike“.
Vjedhjet
Vjedhjet e tij janë kryesisht bizhuteri dhe orë. “Të gjithë mund të shohin se çfarë ia vlen, edhe kur bëhet fjalë për një stilolaps,” tha 28-vjeçari.
Ai zgjodhi objektet e vjedhjeve rastësisht. “Unë thjesht kam vozitur”. Më 20 tetor 2017, kur ndodhën aktet e para, ai shikoi futboll me mikun e tij dhe u largua gjatë lojës për të hyrë në një shtëpi në Deisslingen.
Në rrugën e kthimit nga loja, hyri në një tjetër shtëpi në Villingendorf, duke përdorur një kaçavidë.
Të akuzuarit pranuan gjithashtu një vjedhje në Schramberg-Sulgen, Lahr, Boeblingen, Wiesbaden, Horb, Tübingen, Reutlingen dhe Lossburg si dhe dy në Freudenstadt. “Sapo të kesh para, bëhesh i babëzitur, unë nuk u rrita me vjedhje”, shpjegoi ai. Ai shiti një pjesë të plaçkave në Antwerp (Belgjikë).
Një oficer policie shpjegoi se si ishte kapur 28-vjeçari. Gjatë vjedhjeve të para, në të dy skenat e krimit u gjet i njëjti numër telefoni mobil shqiptar.
Jo vetëm falë përcjelljes së sinjalit, zyrtarët erdhën shpejt te 28-vjeçari. Filloi një vëzhgim për monitorimin e telefonave celularë të të pandehurit dhe mikut të tij.
Thuhet se katër persona të tjerë janë përfshirë në këto ngjarje.
Edhe pas largimit të të pandehurit në janar, vjedhjet kanë vazhduar. Policia gjeti ADN-në e tij në 2014 dhe 2016 në skenat përkatëse të krimit në Zvicër. Procesi gjyqësor vazhdon./Panorama/
