Pas dorëheqjes së kryetarit të Bashkisë Shkodër, Valdrin Pjetri, pas akuzave të PD-së se ai kishte të shkuar kriminale në shtetin italian, ka ardhur edhe reagimi i sekretarit për Marrëdhëniet e Jashtme të PD-së, Gerti Bogdani.
Në një prononcim për Faxnews, Bogdani shprehet se në radhët e zyrtarëve të Partisë Socialiste ka persona të tjerë të inkriminuar, listë e cila sipas tij kryesohet nga kryebashkiaku i ri i Lezhës Pjerin Ndreu.
“Ka dhe të tjerë në listën e personave me të shkruar kriminale, natyrisht në krye të saj është Pjerin Ndreu, por ka edhe të tjerë. Shtatori, me zullumet e kësaj qeverie do të jetë vijim i frontit kundër tij dhe qeverisjes së tij. Ka shumë persona që protestojnë edhe në heshtje kundër kësaj keqqeverisjeje”, deklaroi ish-deputeti demokrat.
Më tej, Bogdani kritikoi edhe procesin e vettingut të gjyqtarëve teksa deklaron se ka ardhur koha që pjesë e këtij procesi të jenë edhe politikanët shqiptarë.
“Valdrin Pjetri nuk është thirrur ende nga Pokuroria, gjithashtu nuk është bërë sekuestrimi i pasurisë së tij dhe argumentimin se si është vënë ajo. Ne e kemi mbështeture procersin e vettingut, por nëse ai vijon të praktikohet me korrektesë. Por deri më sot ky proces është bërë keq, pasi janë përjashtuar gjyqtarë nga sistemi por nuk është marrë asnjë masë ndaj tyre, por shpresoj që shqiptarët të vijë dita dhe të marrin një proces të mirë të drejtësisë. Duhet patjetër vetting edhe për politikanët”, deklaroi Bogdani.
