Zbardhen identitetet e dy vëllezërve, pasi plagosën me thikë këtë të hënë një 38-vjeçar në Shkodër.
Bëhet fjalë për Aleks dhe Luigj Martinin, të cilët janë shpallur në kërkim nga policia.
Pas plagosjes, ata janë larguar menjëherë nga vendngjarja, ndërsa Vat Shpati është dërguar në spital dhe ndodhet nën mbikëqyrjen e mjekëve.
Ndërkohë, policia po punon për arrestimin e dy vëllezërve tashmë të identifikuar.
Njoftimi i policisë:
Më datë 12.08.2019, në lagjen “Mark Lula” Shkodër, pas një konflikti të çastit për motive të dobëta, është plagosur me thikë shtetasi V.Sh, 38 vjeç banues në Shkodër, i cili ndodhet në Spitalin Rajonal Shkodër, për ndihmë mjeksore.
Grupi hetimor ka bërë identifikimin dhe shpalljen në kërkim të autorëve të dyshuar, dy vëllezrit A. M. dhe L. M., banues në Shkodër dhe po punohet intensivisht për kapjen e tyre.
Vijon puna për sqarimin e rrethanave të kësaj ngjarje.
