Pesë shqiptarë kanë mbetur të plagosur, pas një aksidenti rrugor në Carditello, Itali.
Sipas mediave vendase, makina me të cilën shqiptarët po udhëtonin ka dalë nga rruga dhe është përmbysur. Raportohet se tre prej të plagosurve ndodhen në gjendje të rëndë shëndetësore.
Ngjarja ka ndodhur në orët e para të mëngjesit të së shtunës, ndërsa nuk dihen ende shkaqet e aksidentit.
Në vendngjarje mbërritën menjëherë forcat e policisë dhe zjarrfikëses, duke nxjerrë nga makina të aksidentuarit. Ata u transportuan në spital ku po marrin mjekim.
