Duke filluar nga pasditja e sotme, moti do të marrë një kthesë të papritur teksa raportohen reshje të mëdha shiu në të gjithë vendin.
Këtë gjë e ka bërë të ditur, Instituti i Gjeoshkencës (IGJEUM), i cili në raportin e fundit të publikuar në Facebook, shkruan se temperaturat do të pësojnë një rënie të ndjeshme, deri në 16 gradë në vendet malore.
Ndërsa në qytetin e Shkodrës pritet që të ketë edhe shtrëngata.
Postimi i plotë:
ZJARRET NË PYJE
———————-
Sot pasdite (e shtunë, dt.27) dhe nesër (e diel, dt.28) pritet rrezik “I MODERUAR’’ në të gjithë qarqet (siç tregohet në tabelë, respektivisht për secilin qark).
Në zona të kufizuara, pritet nivel “I LARTË’’ në këta qarqe:
Shkodër (Perëndim), Lezhë (Perëndim), Tiranë (Perëndim), Fier (Veri).
Rreziku pritet të jetë më i lartë gjatë ditës së sotme.
PARASHIKIMI METEO
————————–
RESHJET
Sot pasdite (e shtunë, dt.27) në përgjithësi, nuk priten reshje. Vetëm gjatë pasditeve, në zona të kufizuara të qarqeve në lindje mund të shfaqen reshje në formën e shtrëngatës.
Nesër (e diel, dt.28) priten reshje të dobëta në disa qarqe të vendit, ndërsa në qarkun e Shkodrës ato do të jenë mesatare dhe të shoqëruara me shtrëngata (siç tregohet në tabelë, respektivisht për secilin qark).
TEMPERATURAT
Nesër (e diel, dt.28) temperaturat minimale dhe maksimale të ajrit pritet të arrijnë:
në bregdet: 21 / 34 °C
në vendet e ulëta: 21 / 38 °C
në vendet malore: 16 / 29 °C.
ERA
Sot pasdite (e shtunë, dt.27) dhe nesër (e diel, dt.28) era do të vazhdojë të fryjë e lehtë, por deri mesatare gjatë pasditeve (për momente të shkurtra deri e fortë), sidomos në qarqet e veriut dhe të bregdetit.
