Kryeministri Rama ka thyer heshtjen, duke bërë një koment lidhur me dorëheqjen e Haradinajt. Shkak u bë thirrja për t’u marrë në pyetje nga Gjykata Speciale, që po heton përfshirjen e drejtuesve të UÇK-së në krime të mundshme gjatë luftës.
Rama shkruan në një koment të shkurtër në Twitter se këto ftesa janë një sfidë e re e çdonjërit prej të thirrurve, në vazhdën 20 vjeçare të betejës së pasluftës, për të provuar deri në fund pafajësinë e tyre.
“Këto ftesa në radhë nga Haga për protagonistët e UÇK, janë një sfidë e re e çdonjërit prej të thirrurve, në vazhdën 20vjeçare të betejës së pasluftës, për të provuar deri në fund pafajësinë e tyre. Por janë edhe një sfidë e papërfunduar kombëtare në anën e duhur të historisë”, shkruan Rama.
