Një 57-vjeçar është qëlluar për vdekje mbrëmjen e sotme në qytetin e Korçës.
Viktima identifikohet si Gramoz Nako, babai i dy fëmijëve, i cili jetonte në Shtetet e Bashkuara të Amerikës, dhe ishte rikthyer nga pushimet në Turqi dy ditë më parë.
Duke iu referuar njoftimit të policisë, Nako është gjetur pa jetë në banesën e tij nga bashkëshortja, ndërsa rrethanat shfaqen ende të paqarta.
Ndërkohë, polica po heton për zbardhjen e plotë të ngjarjes.
Njoftimi i plotë i policisë:
Korçë/Informacion paraprak.
Më datë 08.07.2019, në lagjen nr 7, në banesë është gjetur nga bashkëshortja, shtetasi G.N 57 vjeç, i pajetë, i vrarë me armë zjarri në rrethana ende të paqarta.
Grupi hetimor nën drejtimin e Prokurorisë po punon për sqarimin e rrethanave të ngjarjes.
