Dy persona të tjerë janë ndaluar nga policia e Dibrës për përplasjen e ashpër të ndodhur më 28 qershor jashtë KZAZ-së numër 19-të në Peshkopi.
Përkatësisht dy personat në fjalë janë Vladimir Kojku, protestues, dhe sekretari i grupseksionit të PD-së në Dibër, Melis Nela. Gjatë protestës në KZAZ pati përplasje të ashpra mes policisë dhe mbështetësve të opozitës. Këta të fundit tentuan të çanin kordonin e policisë për t’u futur brenda KZAZ-së dhe për të djegur materialet zgjedhore, por u shpërndanë nga policia me gaz lotsjellës.
Kujtojmë se 13 persona të tjerë të ndaluar për protestën u liruan nga gjykata më 2 korrik.
